Rusiya Yaponiyaya İkinci Dünya müharibəsinin nəticələrini tanımağı xatırlatdı

Rusiya Xarici İşlər Nazirliyi Yaponiya rəhbərliyinin İkinci Dünya müharibəsinin nəticələrini tanımasının vacibliyini bir daha vurğulayıb.

Expressxeberler.az xəbər verir ki, bunu Rusiya XİN-in sözçüsü Mariya Zaxarova nazirliyin saytında yayımlanan şərhində bildirib.

Zaxarovanın sözlərinə görə, Moskva Yaponiyanın İkinci Dünya müharibəsinin nəticələrini, o cümlədən Cənubi Kuril adaları ilə bağlı ərazi məsələlərini tanımasını və remilitarizasiya kursundan imtina etməsini vacib hesab edir.

Qeyd edək ki, sentyabrın 3-də Rusiya Xarici İşlər Nazirliyi Yaponiyanın Kyuşu adasında ABŞ-ın “Typhon” orta mənzilli raket sistemlərini yerləşdirməsi ilə bağlı Tokioya etiraz notası göndərib.

Bundan əvvəl, avqustun 31-də isə ABŞ-la keçirilməsi planlaşdırılan hərbi təlimlərlə əlaqədar Yaponiyanın Rusiyadakı səfirliyinə diplomatik təqdimat verilib.