Parisdə küçələr qarışdı: minlərlə insan silah qanununa qarşı etiraz etdi

Expressxeberler.az xəbər verir ki, Fransanın paytaxtı Parisdə polis və jandarmanın silahdan istifadəsi ilə bağlı yeni qanun layihəsinə qarşı minlərlə insan küçələrə çıxıb.

Etirazların səbəbi polis və jandarmanın silahdan istifadə etdiyi zaman qanuni hərəkət etdiklərinin qəbul edilməsini nəzərdə tutan qanun layihəsidir.

Layihə Fransanın Milli Assambleyasında qəbul edilib və Senatda müzakirə olunmalıdır. Qanunun əleyhdarları bu dəyişikliklərin hüquq-mühafizə orqanlarının silahdan istifadəsinə dair qaydaları genişləndirə biləcəyini bildirirlər.

Parisdə keçirilən aksiyada böyük izdiham yaranıb. Etirazçılar qanun layihəsinin geri çəkilməsini tələb ediblər.