Urban: “Merzin vaxtı bitib – o, tarixə yalançı kansler kimi düşəcək”

Saksoniya əyalət parlamentindəki “Almaniya üçün Alternativ” (AfD) fraksiyasının rəhbəri Yörq Urban Almaniya kansleri Fridrix Merzin vaxtının bitdiyini bildirib.

Urbanun sözlərinə görə, “Bizim fikrimizcə, Fridrix Merzin dövrü başa çatıb. O, Almaniya tarixinə ‘yalançı kansler’ kimi düşəcək”.

Expressxeberler.az xəbər verir ki, Urban bu açıqlamanı Almaniya mediasında 20 sentyabrda keçiriləcək regional seçkilərdən sonra Xristian Demokrat İttifaqının rəhbərliyində Merzə qarşı dolayı etimad məsələsinin qaldırıla biləcəyi barədə xəbərlərin yayıldığı bir vaxtda səsləndirib.

Urban həmçinin Saksoniyanın Baş naziri Maykl Kretşmeri kanslerə etimad səsverməsi keçiriləcəyi təqdirdə necə səs verəcəyini açıqlamağa çağırıb. O, Kretşmeri Merzin mümkün varisi kimi göstərib.