Bunu edən azyaşlıya hicab bağladan valideynlərdir”

Nigar Camaldan məktəbli forması ilə bağlı ÇAĞIRIŞ: “Təxribatlara uymayın!”

“Avroviziya 2011” mahnı müsabiqəsinin qalibi Nigar Camal vahid məktəbli forması ilə bağlı müzakirələrə münasibət bildirib.

Expressxeberler.az xəbər verir ki, müğənni sosial şəbəkə hesabında paylaşım edərək insanları təxribatlara uymamağa və milli birliyi qorumağa çağırıb. O, vahid məktəbli formasının dini inancların əlindən alınması demək olmadığını vurğulayıb.

“Dövlətin tətbiq etdiyi vahid məktəbli geyimi ilə bağlı qaydaları başqa yerlərə yozub, milləti iki hissəyə bölmək olmaz. Təxribatlara, başqa ölkələrin daxili siyasətimizə qarışmağına icazə verməyin. Biz Vətən müharibəsini birliyimizlə qazandıq, bu bütövlüyə zərər vurmayın.

Çünki vahid məktəbli forması sizin dininizi, inancınızı əlinizdən almır, əziz balalar, əziz təhsil işçiləri… Yenə ibadət edin, yenə Allahınızı tanıyın. Amma Vətəninizi hansısa şəriət ölkəsinin siyasi təxribatına qurban verməyin.

Ona görə ki, qız uşaqlarını məktəbin qapısında saxlayan dövlət yox, öz prinsipləri uğrunda azyaşlı uşaqlarına hicab bağladan valideynlərdir. Onlara təzyiq göstərən ana-atalardır. Həssas nöqtənizdən faydalanan şəxslərin təxribatına uymayın.

Aydın və parlaq gələcək üçün vahid məktəbli formasını sona qədər dəstəkləyirik! Dövlətimizin və Prezidentimizin yanındayıq!

Ölkəsini, Vətənini sevən hər bir sənət yoldaşım bu çağırışa qoşulmalıdır”, – deyə Nigar Camal bildirib.

‼️Hər gün Expressxeberler.az saytına daxil olub ölkədə və dünyada baş verən hadisələri dərhal oxuyun