Türkiyədə mədən qəzası: ölənlərin sayı 5-ə qalxdı

Express.az xəbər verir ki, Türkiyənin Manisa əyalətinin Soma bölgəsində mədəndə baş verən uçqun nəticəsində həlak olan mədənçilərin sayı 5-ə qalxıb.  

Bu barədə Türkiyənin enerji və təbii sərvətlər naziri Alparslan Bayraqdar bildirib.  

Dağıntılar altında cəmi 7 nəfər qalıb. İki nəfər sağ çıxarılıb: onlardan biri xəstəxanadadır, digəri isə lazımi tibbi yardım göstərildikdən sonra evə buraxılıb.  

Qeyd edək ki, qəza 1 oktyabrda baş verib. Qəzanın səbəbi hələlik məlum deyil. Hadisədən sonra mədənin baş meneceri də daxil olmaqla, doqquz nəfər həbs edilib.  

‼️Hər gün Expressxeberler.az saytına daxil olub ölkədə və dünyada baş verən hadisələri dərhal oxuyun