Bir ud danışdı, bir kainat susub dinlədi”— Qarabağ qazisi İdris Hüseynovun ruhlara toxunan sənət möcüzəsi

Bəzən bir konsertə gedirsən, gözəl musiqi dinləyib geri dönürsən. Bəzən isə elə bir sənət gecəsinin şahidi olursan ki, oradan qulaqlarında səslər, yaddaşında xoş xatirələrlə yanaşı, qəlbində tamam başqa bir aləm daşıyaraq ayrılırsan. Çünki səhnədə əsl sənətkar, əlində musiqi aləti, qarşısında sənətə könül vermiş tamaşaçılar, konsert zalının hər guşəsində isə minilliklərin nəfəsini yaşadan, insan ruhunu oxşayan melodiyalar var. Həmin an anlayırsan ki, əsl sənət nə zamana sığır, nə də sözlərə…