17 il işə getmədən maaş alıb…
Gündəm
Almaniyada 62 yaşlı peşə məktəbi müəlliminin 17 il ərzində işə getmədən 248 min avro maaş aldığı iddia olunur. Duisburq Dövlət Prokurorluğu müəllimi 10 epizod üzrə fırıldaqçılıqda və iki epizod üzrə sənəd saxtakarlığında ittiham edib.
Expressxeberler.az xəbər verir ki, ittihama görə, müəllim 2009-cu ildən xəstəlik məzuniyyətində olsa da, maaş almağa davam edib.
Onun uzun müddət işə gəlməməsi yalnız 2025-ci ildə təhsil idarəsinin şəxsi sənədləri yoxlaması zamanı üzə çıxıb.
İstintaq materiallarında müəllimin xəstəlik məzuniyyəti dövründə alternativ tibb mütəxəssisi kimi çalışdığı, saxta sənədlərdən və dalğıc sertifikatından istifadə etdiyi bildirilir.
2026-cı ilin martında onun evində axtarış aparılsa da, müəllim tapılmayıb. Axtarış zamanı rəqəmsal materiallar müsadirə edilib.
Müəllimin məcburi təqaüdə göndərilməsi prosesi iyul ayında başlanıb. Məhkəmə ittiham aktını qəbul edər və onun təqsiri sübuta yetirilərsə, müəllimi 6 aydan 10 ilədək həbs cəzası gözləyə bilər.
‼️Hər gün Expressxeberler.az saytına daxil olub ölkədə və dünyada baş verən hadisələri dərhal oxuyun
